أخبار عاجلة

حوار خاص لزوووم مع رؤي الدمرداش اميره شعراء العاميه

حوار / ابانوب رجائي

وموهوب في مجال التمثيل والغناء؟

شخصيه عنيده وموهبه ف بدايتها لم تطلق على نفسها لقب شاعره طموحه جدا ﻻبعد الحدود وحاصله على لقب اميرة شعراء العاميه للموسم اﻻول وبسعى لكل نجاح وبتحدى نفسي جدا عشان احقق كل الى بتمناه.

ما الذي تتمني في هذا العام؟
اتمنى تكون سنه خير اكتر من 2014 وبتمنى تكون سنة سلام على مصر وكل الوطن العربي وتكون بداية نجاح جديد ﻻن جوايا طاقه كبيرة جدا هستغلها ف تقدم وتطوير موهبتى للاحسن بأذن الله.

كيف كانت السنه الماضيه عليكي؟
هو طبعا الحمدلله على كل شئ بس واجهت فيها اصعب مواقف فحياتى ومريت بتجربة ادت ﻻنهيارى تماما ولكن استغلتها وخلقت منها نقطه قوة قدرت احقق بيها نجاح ف اخر السنة.

ما هي القصائد التي تعتزي بيها؟
القصايد الى شاركت بيها ف المسابقه وخصوصا قصيده وصلبت نفسي وقصيده صباح النور.

بما انك اميره الشعراء وجههي رساله لكل واحد بيكتب شعر؟
ﻻ اميره شعراء العامية مجرد لقب مقدرش استغله ف توجيه رساله ﻻى حد ﻻن كلنا بنتعلم من بعض وانا زيي زيهم لكن نفسي نكون كلنا عند حسن ظن وذوق القراء والمستمعين.

ما السمات التي يتميز بها الانسان لكي يصبحج شاعرا؟
من وجهة نظرى الذوق والتواضع واﻻحترام وتقبل النقد واﻻستفاده منه وعدم اﻻلتفات لاعداء النجاح والهجوم لمجرد اﻻحباط والتشويه انا شايفه ان الشاعر الذكى هو الذى يتﻻشي الهجوم ويصنع منه قمه يقدر يثبت فيها نجاحه ويحفر لنفسه مكان ﻻن كل انسان شاعر ولكن مش كل شاعر مبدع.

كيف اثرت الجائزه علي مشوارك؟
قبل الجايزة وحصولى على اللقب انا كنت نولتها بالفعل بمعرفتى بزمايلى وكل الشعراء الى شاركوا معانا ولجنة التحكيم اللى كلهم كانوا سبب ف وصولى للقب بتشجيعهم وروحهم ولكن بعد اللقب حسيت بمسؤولية عن اﻻول بدأت اقرى اكتر واراعى اختيار الى هقدمه فيما بعد.

ما الذي تعلمتيه من لجنه الحكام؟
كان شرف لينا وجود الشاعر عبد الغنى مصطفى ودكتور خيرى السلكاوى وشارك كضيف شرف دكتور مجدى عجميه ودكتور خيرى السلكاوى وسلطان شعر العامية ف اسكندريه استاذ جابر سلطان ولكن استاذ نزيه الحكيم كان اكتر شخصيه اثرت فيا وجوده كان مهم جدا بالنسبالى اتعلمت منه اختيار موضوع مختلف والفاظ مختلفه وانى مكررش نفسي وانى مكونش مباشره وان دايما عندى احسن متسرعش والمسابقه اكدتلى ان صدق نفسك تتصدق ولو عندك هدف اتعب بكل مافيك هتوصله حتى لو كان صغير ويسرني تقديم الشكر لاستاذ سامي عقل الذي كان احد ضيوف الشرف.

اخيرا وليس اخرا قصيده وجهيها لجمهورك ماذا تقولي؟
الجمهور ميكفهوش قصيده واحده اقدر اخاطبه بيها اخاف موفيهوش حقه لكن بمناسبه الشتا بفضل تكون قصيده شاركت بيها ف التصفيه التانيه

فصل الشتا بيهل
واقف بيضحكلك
تنزف سحابه عليك
ترقص حزين وحدك
تضم ف همومك
والدمعه بتخونك
تجمع بواقي الجرح
تجنيها تطرحلك

صابه لنفسي نبيت
يمكن ف يوم اسكر
كاسره مراية البيت
بتشوفنى ليه بكبر
شايب ف ضلعى فؤاد
حاطط شريطة حداد حالف ﻻ يتأثر

امتى الدموع هتجف
واضحك بقلب بنات
ده الذكرى دايره تلف
وتصحى ف اﻻموات

انا ساكنة مليون كهف
عقلي خﻻص هيخف
وقلبت فنجانى وقريت لنفسي الكف
كل الورود دبلت مفاضلش غير اشواك
عقلى العزيز اصحى فهمنى مين غماك
خد قلبي ف السكة
يمشى للحظة معاك
يمكن ف يوم يعقل ورساله منى اليه
ارحل انا كارهاك

هختم قصيدتى خﻻص
واسمحلى لو تقدر
فصل المواجع هل وحنينى يتكرر
ارحم مشاعرى ياريت
واحمينى من فضلك
بكتب خطابي اليك
وسايباها بتمطر.

1618584_1527167460887400_6810985809812663763_n 10888467_1527166280887518_3880124032457880677_n 10906126_1527165670887579_6527763259040687524_n 10917855_1527166487554164_3093272438984806960_n 10922567_1527165977554215_2022917441877679610_n

مقالات ذات صلة

زر الذهاب إلى الأعلى
إغلاق
إغلاق