حواراتفن

احمد كرارة :بدايتى الحقيقية فى “امير الليل” وهذا ما دار بيني وبين” باسم يوسف”

 

احمد كرارة ممثل شاب  بدأ اولى خطواته الفنية فى مسلسل فرصة تانية ثم شارك  مع المطربة  دومينيك حوراني  فى كليب  «آه منك». لم تكن مجرد تجربة فى حياته الفنية ، وإنما خطوة أولى لشقيق الممثل الذي ينوي خوض مجال الفن زوووم نيوز قابلت النجم أحمد كرارة وده كان حوارنا معاه …..

احمد كرارة كلمنا عن بدايتك الفنية ؟

أولاً أنا كنت موظف فى بنك و بعد الثورة تركت الشغل و أتجهت للفن سافرت إلى دبى و اتعرفت على فريق عمل مسلسل ” فرصة تانية ” و كنت حابب اشترك معاهم و كنت محظوظ أوى بالمشاركة ديه لانها كانت أول مرة اقف قدام كاميرا  وأشتغلت أكتر من 45 حلقة والحمدلله الناس تقبلتنى .

هل أستفدت من مشاركتك فى مسلسل فرصة تانية ؟

طبعا أستفدت لانى بحب اتابع المسلسلات المشتركة بين البلاد العربية لانه ده فايدة للممثل و بيقدر من خلالها انه  يتعلم من طريقة الاداء والفكر و انا اكتسبت خبرة كبيرة منهم و كنت سعيد بالعمل معاهم .

كلمنا عن مشاركتك مع المطربة  دومينيك حوراني فى كليب اه منك  ؟

مشاركتى مع دومنيك مكنتش موديل او أنا مش بحب اسميه موديل لان دومنيك صاحبتى و كانت موجودة فى مصر ساعتها و طلبت منى اشاركها فى الكليب قولتلها وليه لا من ناحية الصداقة كنت حابب كده و كانت تجربة لذيذة و مش انا لوحدى اللى خوضت التجربة ديه  فى نجوم من الصف الاول خاضوها قبلى  وكمان بيعملوا اعلانات .

أخوك امير كرارة كان على علم بدخولك عالم التمثيل وعلاقتك بيه عاملة ازاى  ؟

امير اخويا مكنش يعرف انى داخل المجال وجت مفاجاة انو لاقنى فى المسلسل و وجهنى بعدها اشتغل ازاى  و طبعا بستفيد منه خبرة و اول ما عرف انى مثلت قعد يضحك وافتكرنى بضحك عليه لحد ما بعتله صور من اللوكيشن والتصوير و ساعتها فرح أوى .

عاوزين نعرف الحوار اللى دار بينك وبين الاعلامى الساخر باسم يوسف فى دبى ؟

باسم شخصية جميلة و انا واحد من متابعيه و دار بينا حديث بسيط  و هو راجل محترم وبقدمله التعازى من خلال ” زوووم نبوز”  فى وفاة والده و بقوله يارب تكون اخر الاحزان وربنا يصبرك .

مين من الفنانين حابب تشتغل معاه ؟

و الله الوسط الفنى مليان ممثلين جمال و كتير اوى و بتمنى اشتغل مع اصغر واحد الى اكبر واحد بس حابب اشتغل مع الزعيم عادل امام و احمد السقا و احمد حلمى و احمد عز

ياترى هنشوف احمد كرارة فى رمضان ؟

انا حاليا شغال فى مسلسل مع النجم الكبير ” رامى عياش”  وميس حمدان ومجموعة كبيرة من الفنانين فى الوطن العربى واقدر اقول ان ديه بداية ليا المسلسل من تاليف منى طاهر اخراج شادى حداد مشرف العمل ميلاد ابيرال المسلسل عبارة عن 60 حلقة درامى رومانسى و ان شاء الله يعجب المشاهدين .

أخيراً احمد كرارة هنشوفك فى السينما امتى ؟

أنا معروض عليا حاليا عمل بدون ذكر اسمه وبعد رمضان هقعد مع فريق العمل عشان نشوف الدنيا هتمشى ازاى وحابب جدا انى اشتغل سينما 

 

كتب : أحمدعبدالنبى

 حوار: إسلام جودة

 تصوير : محمد إبراهيم 

 

 

11280313_955081151190162_910464677_o

 

الوسوم
زر الذهاب إلى الأعلى
إغلاق
إغلاق