الرئيسية / اشعار وادب / من قبر قى اسيوط
21694_377801228973492_1525712434_n

من قبر قى اسيوط

متابعه:احمدمحمدعبدالبديع

كتب:بيبو جمال ….اسيوط

من قبر في أسيوط
يعني ايه يامه الكفن
وانتي ليه لابسة السواد
شكلك خايفة لاتوبي الابيض
يتوسخ لما العب ويا الولاد
هو لعب القبر يامه شكله ايه
هو فيه حد هيقول اسكت ياواد
بيقولوا فيه ملايكة راح تحرسنا
بيقولوا حلو في القبر الزاد
والحلاوة فيه يامه ببلاش
قولي لعم حسن أبو عماد
حلاوة القبر أحسن من حلاوتك
ولو مش مصدق اسأل عماد
بس ازاي أنا فرحان يامه
وانتي لسة لابسة السواد
………………………………………………
في القبر مافيش غني وفقير
ابن العمده يامه زي ابن الغفير
كان نفسك أكبر وابقي وزير
افرحي بقيت في الجنة أمير
واسع يامه القبر وبراح
أمال ليه نعدي نلقاه صغير
براه غير جواه يامه
احنا فيه نايمين عالحرير
والكل واحد في الهنا والعز
وخير ربك يامه هنا كتير
عارفة يامه لما بتوحشيني
بألقاكي جنبي عالسرير
بتحكي يامه نفس الحكاية
ست الحسن وحسن الفقير
والله يامه ماناقص عندي حاجة
يبقي ليه يامه الحزن الكتير
………………………………………………
فاكرة لم حكيتي عالملايكة
وانهار العسل والحور العين
شفتهم والله يامه
كلهم حلوين وزين
فيهم واحدة تشبهك يامه
بس وشها مش زيك حزين
والله باين عليكي م الملايكة
غيرش شيلك لهموم السنين
لو عوزتي عسل ابعتيلي
والله العسل هنا زين
لو عوزتي لبن قوليلي
انهار اللبن تجري بين شطين
وقولي للي خايف م الموت
والله العيشة بعد موتنا زين
والنور ما بينقطع عندنا
نور رباني بيشفي العين
وقولي لابويا يامه
ابنك مليح يسر العين
سلام دلوقتي يامه
احنا للجنة اهو رايحين

عن ahmed

شاهد أيضاً

14518478_10210192383947615_95357828_n

خاص لزووم ..الشاعر محمد زغلول وباكورة أعماله الأدبية

  دارس اللغة العربية وعلم العروض وهو علم دراسة موسيقى وبحور الشعر ,يعمل في مجال التدريس …