الرئيسية / أخبار سياسية / عمرو اديب يا ريس انت فاشل وقنديل كمان فاشل .

عمرو اديب يا ريس انت فاشل وقنديل كمان فاشل .

أبدى الإعلامى عمرو أديبs920111101411-300x157 عمرو اديب يا ريس انت فاشل وقنديل كمان فاشل . استياءه الشديد من التعامل الحكومى مع كارثة أسيوط قائلا: “إنتو كلكم بما فيكم أنا، إحنا شعب فاشل وإحنا منسويش حاجة خالص هل الناس اللى بتحكم البلد، قد الحكاية؟ هو أنت تقدر على الحكم هو انتوا بتتعلموا فينا، البلد زى الزفت والبلد كبيرة جدا عليك يا سيادة الرئيس وطالما أنك غير قادر على إدارة البلاد فعليك أن ترحل”.

وأضاف أديب خلال فقرة الإنترو، “رئيس الوزراء لازم يمشى، الراجل دا لازم يمشى، هذا رجل أضعف بكثير مما نتخيل، وأقول لوزير الإعلام أنت زيك زى أنس الفقى فالنظام السابق كان فاشل وأنت فاشل وريحوا ضميركوا وافرحوا بفوز الأهلى وريح ضميرك واكتب تويتة وقول يجب أن يرحل قنديل فأوسخ بلد فى العالم تعرف يعنى إيه مزلقان منتقداً ثمن الطفل 5000 جنيه دا أرخص من الموبايل وانتوا مش شاطرين غير فى رمى كل شىء على النظام السابق”.

وتابع أديب، “إن رئيس الوزراء لازم يمشى ومش هسكت غير لما يمشى وابقوا اقفلوا البرنامج دا هو كمان والصعايدة قالوا احنا اللى جبنا الريس واحنا اللى هنمشيه فالدماء على مقدمة القطار وهذا يوضح حجم الفشل الذى لا يمكن أن يحدث فى أى دولة فى العالم إلا عندنا وأين كان يجلس الحيوان بتاع المزلقان وكلكم فشلة وقتلة”.

واستكمل أديب، “رئيس الوزراء أصغر من تحمل مسئولية البلاد وأيه الضعف والفشل اللى إحنا فيه ولماذا متمسك بقنديل والحرية والعدالة نفسها شايفة إنه رئيس وزراء “فاشل” لافتا إلى أن الكتاتنى قال إن البلاد مليئة بالفساد وإنه إرث كبير فكيف تقول هذا وأنت الذى تحكم وكان يجب أن ينقل هؤلاء الأطفال ليعالجوا فى أفضل مستشفيات العالم فالأطباء أغلقوا على أنفسهم خوفا من الأهالى فهناك أسر مات منهم أكثر من طفل بسبب الإهمال”.

وأكمل أديب هجومه قائلا: “إذا كنت ترى أنك غير قادر على حكم البلاد فاتركها فالأهالى اليوم جمعت أشلاء أبنائهم من أسفل عجلات القطار ليدفنوهم مضيفا إنتوا بتتعلموا الحكم فينا واكذب علينا زى اللى قبلك وقول لنا كلمتين تريحنا والناس يوم ورا الآخر يشعرون بعدم الأمل وإنت بتعمل أيه دلوقتى ويجب أن نرى رئيس وزراء آخر قادر على حكم البلاد فلو مات اتنين أو تلاتة فى أى بلد حوالينا الدنيا تتقلب، فيه ستات النهاردة بتكلم نفسها على ما حدث، أنتم جميعاً فشلة”.

عن admin

شاهد أيضاً

15129610_10211102977189676_7237154038390597768_o

بالصور.. 82 من سجناء العفو الرئاسي يغادرون سجن طره

إثر قرار أصدره الرئيس عبد الفتاح السيسي، يوم أمس الخميس، بالعفو عن 82 من السجناء …