الرئيسية / المقالات / “أزمه أخلاق”
Untitled

“أزمه أخلاق”

زهرة أحمد

الدور الرائد الذى تنفرد به الصحافه يضع على عاتقها التصدى للفساد مهما كان حجمه ومهما تعددت اشكاله حتى لو كان وراء هذا الفساد رجال ذوى سلطه او اصحاب نفوذ . فمهمتنا فى المقام الاول هى البحث عن الحقيقه اينما كانت وكشف اى تلاعب يحدث بمصالح المواطن المصرى .
وفى ظل حاله الاحباط وعدم التوازن الذى تسيطر على الشعب المصرى . نسعى نحن بدورنا للوقوف الى جانبه ورفع المعاناه والظلم عنه وتنميه وعيه وتوجيهه الى المطالبه بحقوقه والقيام ايضا بواجباته .
ومن رؤيتى الشخصيه ان ما يحدث فى المجتمع الان ومنذ زمن بعيد من ازمات مفتعله او غير مفتعله فيمكن حصر اسبابه الى ان هناك” أزمه أخلاق ” وما نحن نعيش فيه الان من فوضى وفساد وانهيار هو الضريبه التى يدفعها من تسببوا فى الازمه فى المقام الاول ثم من بعدهم كثير من ابناء الشعب المصرى (الغلابه اللى ماشين جنب الحيط ). او اصحاب الطبقه المعدومه من الشعب المصرى .
لا شك ان المجتمع بكل طوائفه ذاق مراره هذه ألازمه وغالبا ما تبدأيوميا بعد صلاه الفجر بايه من طابور العيش والحرب الدائره بين المواطنين فى طابور العيش وعندما يحصل المواطن على بجنيه عيش يشعر كأنه حقق أنتصار على عدوه . مرورا بالدقيق الذى يباع فى السوق السوداء . بعد ذلك يذهب المواطن الى عمله او جامعته او مدرتسه ايا كان يذهب الي أين يواجه مشكله مع سواق الميكروباص بسب زياده ألاجره لأن السولار يابيه زى ما أنت عارف غالى ومش لاقينوا . والحكومه مش سايبانا فى حالنا .
طول الطريق وانت رايح شغلك ماشى فى طريق طويل ملئ بالقاذورات والقمامه فى كل مكان وأطفال شوارع منتشره للسرقه والتسول .
ثم زحمه كل يوم طبعا والطريق اللى دايما واقف .
وبعد ماتنزل من الميكروباص تلاقى ولد او شاب بيتحرش ببنت او واحده فى سن والدته أو بيخدش حيائها بكلمه قبيحه أ او تشوف الست العجوز بتنادى على اى حد يعديها الطريق وبعد كده ترشله بنج وتقوم مقلبه اللى معاه .
وصلت شغلك انت اهم حاجه ادخل بقى شوف كام ملف على مكتبك مستنيك هتفضل قاعد تلعن الشغل والمدير وتقول لنفسك كل الآرف ده علشان الكام ملطوش اللى باخدهم اخر الشهر . ما علينا المهم انك وصلت شغلك حمد لله على السلامه ارتاح شويه ورجعالك تانىتعالوا معايا بقى للست الغلبانه اول ما جوزها ينزل تلبس وتروح السوق علشان تجيب لحبيبها طبعا كل الاكل اللى بيحبه يحصلها صدمه أول ما تلاقى كيلو العدس وصل 15 جنيه تعمل ايه ؟ ولسه كمان فاتوره المياه . والكهرباء والغاز ده غييييييييير الدروس الخصوصيه بتاع العيال لآن التعليم فى بلدنا كوسه ………………….. ده غير كسوه الصيف والعيد اللى لسه داخل خلاص والواد الصغير اللى كل شويه تعبان وعايز دكتور . والبنت الكبيره اللى بقت على وش جواز وعايزه شئ وشويات فى جهازها .

هيعمل ايه بقى ابو العيال علشان يكفى ده كله ماهو لازم يكون مرتشى ولازم يسرق ويتاجر كمان فى كل الممنوع حتى بناته ايه المانع البنت بقت حلوه وجسمها فاير ايه يعنى لما يجوزها جوازه بره علشان ياخدله قرشين كويسين
هنفضل فى دايره مقفوله بنلف حوالين بعضنا وكل وكل واحد يعل أخطائه على شماعه الظروف ……… آه انت معذور يعنى انا وغيرى هنلتمس ليك العذر وانتى كمان هنلتمس ليكى العذر …….. …………………… لكن ربنا اللى خلقنى وخلقك هنقوله ايه ؟

معلش سامحنى يارب أصل حكومتنا معندهاش أخلاق !!!!!!!!!!!!!!!!!!!!!!!

 

عن admin

شاهد أيضاً

14729081_10209623091946492_5373961042247668786_n

قصة حياة النجمة “ايمان “

  كتب :محمد رفعت وقفت الفنانة إيمان أمام الموسيقار فريد الأطرش مرتين كبطلة مساعدة في …