الرئيسية / اشعار وادب / موال الحياة

موال الحياة

بقلم / محمود حلمي محمود

موال الحياة

اه يا عين عاللي اللي حصل
وآه يا ناس من اللي جري
لما الحياة بتجري بينا
وبعد ما بنتقدم نرجع ورا
ماشيين غصب بمزاجنا
راضيين بالي مزجنا
مع الهموم واللآه
وقدرنا معانا معاند
وعلينا ناشف وجامد
وايه بايدنا نعمله
ماهو لازم نتحملة
نصبر ونمشي معاه والطريق هنكمله
وآه يا ناس من القدر بيغير الاحوال
من حال لحال
بيخلي العالي غالي
ويخلي العمر بالي
ويخلي الحق يسكت
والباطل صوته عالي
وآه والف آه منك يا زمان
بعدت الفرح عني وسيبتلي الاحزان
رميتني في وسط نار
ومعاك انا في انهيار
وخلاص مش قادر اتحمل وخلاص انا بقيت اطلال
وهقول سلام يا دنيا
يا غدارة يا خاينة
وخلاص خلص الكلام
وعلي الدنيا السلام

عن admin

شاهد أيضاً

جامعة المنوفية تمنح الناقد أسامة عليمي درجة الماجيستير

بقلم وعدسة: محمد الجداوي منحت كلية الآداب جامعة المنوفية الناقد الأدبي أسامة أيوب عليمي، المعيد …