كراكيب

بقلم: إسلام محمد
يابخت من يقدر يقول ….
واللى فى ضميره يطلعه…
يابخت من يقدر يفضفض بالكلام …
وكل واحد يسمعه…
يقف فى وسط الناس يصرخ .. أأأأه ياناس
ولاملام
يجى الطبيب يحكى له ع اللى بيوجعه …
يكشف مكان الجرح ويحط الدوا …
ولو أنكوى
يقدر ينوح
وأنا اللى مليان بالجروح …
مأقدرش أقول
ماأقدرش أبوح
والسهم يسكن صدرى ماأقدرش أنزعه”
― صلاح جاهين, عن القمر والطين

قالها عم صلاح جاهين , يا بخت الى يكون قادر يتكلم و يحكى و يلاقى الى يسمعه حتى لو مش عنده حل , يقف و ينادى و يطلع الى جواه اصل النفس و التحمل زى كوبايه الماء لما تتملى تقع كلها و اللى يقولك انا جبل مافيش حاجه تهدنى , بيكدب على نفسه و بيدمرها بشكل مختلف .
الفتره اللى فاتت افتقدنا معنى الصداقه الحقيقه , افتقدنا معنى الاسرة , افتقدنا معنى اللمه الحلوه , طبب ازاى ؟
كل واحد فينا بقى ليه عالم خاص عن طريق السوشيال ميديا ( واتس اب و فيسبوك …… الخ ) , بقت حياتنا عباره عن بوست و شير و كومنت و لايك , ننزل مع بعض حياتنا اونلاين , فى البيت اونلاين ..
بقينا بندور على حد نشكيله لما تقفل فى وشك و تسود و تلاقى الرد Last seen نزعل و نكتب عن الناس الوحشين , تيجى تشوف مشاكلنا هاتلاقى طريقه تفكيرنا فى استخدامنا الغلط لكل تطور محيط بينا , تعالى نفتكر كده ايام زمان ما كنت فى المدرسه ورايح جاى مع اصحابك كتفك فى كتفه و بتلعبوا و بتهظروا و كنتوا جمب بعض ديما .

افتكر لما كان ابوك و امك يتجمعوا ساعه الغدا و بعدها تعقدوا مع بعض تضحكوا , تعالى افتكر معنى الحب و اشتيقاك لشخص انك تشوفه و كنت تفضل مستنى اليوم الى هاتقبله فيه عشان تقدر تقوله و تحكيله على احساسك و مشعارك , فاكر ايام العيد لما العيله بتتجمع و تبقى فى امان و حضن دافى , دلوقتى بقينا متجمعين ماشين وواقفين و قاعدين اونلاين طب ازاى ..
قادرين تكون اوجعنا ردها معلش فى كومنت و لا حبنا ايموشن قلوب مع اغنيه فى بوست , ولا اننا بنضحك على نفسنا لما نعمل شير لكل خيبتنا بس بطريقه تضحكنا ,هاتقولو بهون على نفسى غلط و مليون غلط لو احنا عايزين نفوق و نلاقى الدوا ل وجعنا يبقى لازم نفهم اننا محتاجين بشر مش مكن و الالات و اغنيه حزينه فى الهاند فرى , بقينا كراكيب مش قادرين نفهم نفسنا و لا عارفين نحلل مشاكلنا و مش عارفين نسمع نفسنا , تعالى نرجع كل ضحكه حلوه مع اللمه وسط اصحابك و تقفل واى فايك و تبداوا تسمعوا هاترجوعوا للروح معنها و تبدوا تحسوا ان النفس بيشفى ضلوعك مش بيكسرها . و البنات تراجع قرارها اصل حبيبك مش شات و كلام ده افعاله هاتبين الاهتمام و هاتكون مشكلتك محلوله يا اما هاتشوفى صح يا هاتخدى قرار وتعيدى لانظار ….

الحلول ديما فى ايدينا و افتكروا عم صلاح لما قال “في ناس بنشوفها بالالوان وناس جواها مش بيبان
وناس اسود وناس ابيض وناس محتاجه بس امان
واكتر ناس تآمنهم ما بيجي الجرح غير منهم
وناس انت بعيد عنهم بتنسي معاهم الاحزان” ― صلاح جاهين

عن Amina Zhani

شاهد أيضاً

جامعة المنوفية تمنح الناقد أسامة عليمي درجة الماجيستير

بقلم وعدسة: محمد الجداوي منحت كلية الآداب جامعة المنوفية الناقد الأدبي أسامة أيوب عليمي، المعيد …

اترك تعليقاً