الرئيسية / أخبار فنية / “سماح غندور”:مصر هى اللى اختارتنى ومعنديش مشكلة مع تصريحات”ايناس الدغيدي”

“سماح غندور”:مصر هى اللى اختارتنى ومعنديش مشكلة مع تصريحات”ايناس الدغيدي”

فى حوار خاص لشبكة زوووم نيوز مع ملكة جمال لبنان “سماح غندور” نكشف لكم عن جميع اعمالها الفنية التى ستقدمها الفترة القادمة وتفاصيل ومميزات جائزة “ملكة الجمال “.

 

“سماح غندور” ملكة جمال لبنان اهلا بيكى فى مصر …
اهلاً بيك واهلاً بمصر و أهل مصر كلها مصر دى مش تانى بلد ليا دى جنب لبنان على طول .

 

في البداية كلمينا عن تجربتك فى مسابقة ملكة جمال لبنان،ومين رشحك للمسابقة ؟؟

طبعاً وأنا صغيره كنت دايماً بحب إنى أبقى ملكة وألبس التاج،وكنت بتابع مسابقات ملكات الجمال دايماً فى كل البلدان كنت متابعة جامده وبسجل وبعيد وبسجل مواصفاتهم
بعد كده عملوا إعلان على مسابقة ملكة الجمال و قدمت والحمد لله كسبت وكان ليا لقب علشان إحنا بنقعد مع بعض فتره معينه البنات وبنخرج ونيجى مع بعض فى لبنان فكانوا بيقولوا عنى إنى أشقى واحده فى الجروب ظلمنى جدا انا كنت هاديه و لطيفة جداً وبس.

 

كلمينا عن الصعوبات اللى واجهتك فى المسابقة ؟
أثناء المسابقة بيبقى فى منافسة شديده جداً بس لما تخلص المسابقة بنبقى حبايب جداً وصحاب جداً مع بعض على الفيس بوك والأنستجرام هى بس فتره المسابقة دى.

 

هل ناوية تدخلى عالم التمثيل ؟
أتعرض عليا كذا نص سينما بقراء فيه وحالياً بنصور مسلسل “سوسكا والبنا ” كنا بدأنا التصوير قبل فتره ووقفنا شويه بسبب عدم الأستقرار فى مصر بس دلوقتى الحمد لله الدنيا بقيت فل وبقيت أحسن من الأول فإن شاء الله هنكمل تصويره ، وأنا لسه مخلصة مسرحيه” السيده بلندن” بطوله استاذ “طارق العلى”و “احمد سلمان” فى الخليج وطبعاً لفينا فيها فى الخليج لمده سنة وخدنا المركز الأول عل مستوى الخليج فى المسرحيات ودى كانت اول مسرحيه بعملها و طبعاً رمضان اللى فات كان عندى 3 مسلسلات  ومسلسل  60 حلقة هو “دواير الحب” بيتعرض حاليا على قناه” Ten “.

 

شايفة الفن فى الوطن العربي وخصوصاً مصر رايح على فين ؟


طبعاً هو الفن أكتر حاجة فى مصر لانه هوليوود الشرق و الإعلام المصرى قوى جداً و الحمد لله مصر رجعت أحسن من الأول و السلطات العليا مش بتقوم بواجبها بس دى بتقوم بأكتر من واجبها هى عليها مسؤليه كبيره جداً تصلح فى نفس الوقت تعمل حاجة لقدام،كل ده بيطبق دلوقتى فى مصر أنا شايفة بالتحديد فى مصر التوجه إن شاء الله هيبقى عالمى.

 

ليه اختارتى مصر دوناً عن البلاد العربية للعمل بها فى الفن ؟؟
بص هى مصر هى اللى اختارتنى علشان انا بحب مصر جداً و جوزى بيحب مصر جداً أحنا الأتنين من عشاق مصر والله العظيم مش علشان أنا دلوقتى فى مقابله فى مصر أنا أساساً لو مش بعشق مصر مكنتش عشت هنا ،البلد دى فيها حاجة زى السحر كده انا شاربه من نيلها طبعا،معرفش أنت لما بتقول لحد أنت بتحبنى ليه بيقولك معرفش علشان ده من ربنا بيجى من ربنا كده .

 

ايه رأيك فى تصريحات المخرجة “ايناس الدغيدي ” فى الفترة الاخيرة عن الجنس؟

معنديش أى مشكلة مع تصريحاتها لأنها مش موجهه  ليا ،وأنا  مبحبش  أدخل فى تصريحات حد  قايلها فى  العام .

 


تقولى إيه لشعب مصر ؟
أقول كلمة واحده لمصر “مصر طول ما هى واقفة على رجليها انا ك لبنانيه واقفه على رجليا وكلنا واقفين على رجلينا “.

 

حوار / محمد احمد

تصوير / محمد ابراهيم

كتبت / دنيا خليل

11920006 DSC_0047

 

عن admin

شاهد أيضاً

اميرة الشريف : انا “دلوعة”في السر

كتبت-آية العجيمي تواصل الفنانة أميرة الشريف تصوير مشاهدها في مسلسل السر خلال الفترة الحاليه. وقالت …