الرئيسية / أخبار رياضية / بالفيديو| أورتيجا:أنا أهلاوى صميم و4 كوتشينة بدون إباحية

بالفيديو| أورتيجا:أنا أهلاوى صميم و4 كوتشينة بدون إباحية

أستطاع أن يظهر نفسه فى فترة كبيرة و حقق نجاح يشهد له الكثير بجانب أوكا و شحته كاريكا أعضاء فريق الـ 8% وقدم العديد من الحفلات ويعتبر أورتيجا أسماً له وزنه فى عالم المهرجانات الشعبية قام بعمل فيلم 8 % مع النجمة مى كساب وحقق أيردات عالية وقت عرضه وفى حوار خاص لــ” زوووم نيوز” مع نجم المهرجانات الشعبية ” أورتيجا ” فى أفتتاح “أهلى ستورز” بفرع مدينة نصر 
 
كان هذا نص الحوار …..
 
أولاً حدثناً عن حضورك فى أفتتاح أهلى ستورز اليوم  ؟
 
أنا فرحان انى موجود مع الجمهور النهاردة ولاعيبة النادى الأهلى وده شىء يشرفنى طبعا انى أبقى معاهم وطبعا أنا أهلاوى صميم جدا وبتمنى الأهلى ياخد الدورى.
 
لماذا تم تأجيل فيلم 4 كوتشينة  ؟
 
4 كوتشينة أتأجل بسبب مشاكل كانت فى الأنتاج بس الحمدلله خلاص هيتعرض فى عيد الفطر أنشاء الله و عاوز اقول لكل واحد بيحاربنا بطلو بقى و4 كوتشينة مفهوش اى اباحة او الفاظ خارجة و يارب يعجب الناس.
 
أنتشر كلام كثير فى الفترة الأخيرة أن أوكا و أورتيجا  وشحته كاريكا بوظو الفن فى مصر ما ردك على هذا الكلام  ؟
 
احنا مش بنبوظ حاجة الحمدلله لينا جمهورنا و كبير جدا وده فضل من ربنا وعشان أحنا من منطقة شعبية هما شايفين اننا كده بنبوظ بالعكس أحنا بيسمعنا كل طبقات الشعب وكمان بنسافر وبنعمل حفلات بره وبتكسر الدنيا.
 
كتير من جمهورك بيسأل هل لديك أيميل على الفيس بوك ؟
 
انا والله مليش اى ايميل خالص على الفيس بوك ولا تويتر مفيش غير البيدج الرسمية بتعتنا و الإنستجرام و الواتس غير كده لا  وده حد بينتحل أسمنا وبيشهر بيه وياريت تمسحوه او تعملولو بلوك.
 
رايك فى برامج المقالب اللى بتتعمل فى رمضان ؟
في يوم من الايام حد هتجيله سكته قلبيه علشان الكل يحرم يعمل مقالب
 
هل أورتيجا شايف أن دراما رمضان 2015 هتكون كويسة فى ظل الكام الهائل من المسلسلات ؟ و مين نجمك المفضل اللى هتبعه ؟
كل نجم وليه جمهوره وربنا يوفق الجميع  وهتابع الزعيم عادل الامام وجميع المشتركين في المسلسل لاني بحبهم جدا رغم انى متقبلتش معاهم بس بحبهم
 
ياترى هنشوف أورتيجا فى رمضان ؟
 
أنتظرونى فى رمضان فى برنامج “هبوط اضطرارى “مع الفنان “هانى رمزى” وفى مسلسل ” لما تامر ساب شوقية” مع النجمة “مى كساب” وعدد من البرامج.
 
هل ستقوم بغناء تترات  مسلسلات او أدعية دينية لرمضان  ؟
والله انا نفسى اعمل حاجه لرمضان صح وتفضل عيشا كده على طول مع الناس بس الأمكانيات طبعا عاوزه ناس تانيه مؤلف وملحن وموزع كده من التقال دول وعلى الله انا بحب كده جدا
 
أورتيجا بيقضى يومه أزاى فى رمضان ؟
يومى بقضيه فى عبادة ربنا وقراءة القرأن
 
أخيراً وجه كلمة للجمهور بمناسبة شهر رمضان الكريم ؟
 
عاوز أقول للجمهور كل سنة وانتو طيبين وربنا يعود عليكم الأيام بخير .
 
حوار : أحمدعبدالنبى
تصوير : زهير حفنى
11355660_766354176819648_1479031403_n

عن admin

شاهد أيضاً

بالصور.. خالد يوسف في ندوة تكريمه بمهرجان الإسكندرية السينمائي

كتبت:سندس احمد  تصوير:أسماء نبيل أقيم بأولى فعاليات مهرجان الإسكندرية السينمائي لدورته الـ33 ندوة لتكريم المخرج …