الرئيسية / أخبار فنية / ايناس عز الدين ل زوووم نيوز : نهاية سلسال الدم سبب وجودة في رمضان والجمهور متلهف لافراح ابليس2 ومتفائلة بمنتخب مصر

ايناس عز الدين ل زوووم نيوز : نهاية سلسال الدم سبب وجودة في رمضان والجمهور متلهف لافراح ابليس2 ومتفائلة بمنتخب مصر

حوار: إسلام الكردي

ممثلة شابة أثبتت من بدايتها انها مختلفة عن أبناء جيلها فى الدراما، بإختياراتها المختلفة لأدوارها المميزة، ولفتت الأنظار لها بتألقها بالظهور فى العديد من الأعمال منها “الحقيقة والسراب” و”العار” و”آدم” والعديد من الأعمال الآخرى منها مؤخرا “سلسال الدم”، هى الممثلة المميزة “إيناس عز الدين” فى حوار خاص لجريدة زوووم نيوز.

كلمينا عن شعورك بعد نجاح مسلسل سلسال الدم الجزء الخامس ؟ وهل كنتي تتوقعى النجاح ده ؟

طبعا المسلسل حقق نسبه متابعه عاليه والناس تفاعلت معاه جدا، الأربع أجزاء كانوا خارج السابق الرمضاني وان الجزء الأخير يتعرض فى شهر رمضان ده حقق مشاهدة أعلى والجمهور كان منتظر يعرف نهاية المسلسل ولمست ده من خلال مواقع التواصل الأجتماعي الخاصه بيا زى فيسبوك وإنستجرام، وكنت سعيدة بردود الفعل على دوري فى المسلسل.

كلمينا عن اطرف الكواليس أثناء تصوير مسلسل سلسال الدم ؟

كواليس المسلسل كانت مليانه حب من اول جزء لأخر جزء تعاملى مع نجمة كبيرة بحجم عبلة كامل واصحابي حسام كانت طالع ابنى الفنانه وفاء قمرى وأميره هاني وراندا كل النجوم تعاملت معاهم وكنا مبسوطين بنجاح المسلسل وفى حب كبير جوه اللوكيشن.

شايفه الأعمال اللى بتكون ليها أكتر من جزء زى سلسال الدم بتكون ناجحه ؟ وايه مقياس نجاحك للمسلسل واهم شخص فى العمل برأيك ؟

طبعا السيره الذاتيه بترتبط بالجمهور لما بينجع اول جزء بيشتغل عليه المؤلف والمخرج انهم يستمروا فى باقى الأجزاء بشكل يلفت الانتباه مبني على النجاح الأول وكان العنصر القوي الصراع بين هارون وناصره وهو الأساس اللى بتدور عليه كل الأحداث واللى بيقوم بدورهم الفنانه عبلة كامل والفنان رياض الخولي.

هل كان نفسك يكون عرض مسلسل أفراح إبليس2 داخل السباق الرمضاني؟

بالعكس سعدت انه خارج السباق الرمضاني معأن كنت لسه كنت منتهيه من تصوير دوري فيه وبرغم انهم بدأوا عرض برومو المسلسل انه داخل السباق، لكن عدم عرضه اسعدنى انه هيكون ليه متابعه اكبر لأنه مسلسل قوي وكبير والجمهور متشوق للعمل وعملى فى الجزء الثاني بدور نواره هو خطوة مهمه وإضافه لمشواري.

شايفه بعد تغيير نجوم كتير فى مسلسل افراح ابليس ده ممكن يأثر على نجاحه؟

أكيد فى قيمه فنيه كبيره أضافه، الاستاذ مجدي صابر عامل ملحمه صعبه وفى نجوم اشتركوا فى الجزء التاني عاملين أضافه للعمل والأدوار دافع قوي ان المسلسل يحقق النجاح المطلوب.

مين الفنان اللى كان نفسك يكون موجود فى العمل وهو من نجوم الجزء الأول ؟

أعتقد انى كنت محظوظة انى محظوظة لأن الشخص اللى كنت اتمنى العمل معاه من الجزء الأول وهو متواجد فى الجزء الثاني الفنان الكبير جمال سليمان وده شرف ليا كبير.

إيه أكتر مسلسل نال اعجابك فى شهر رمضان غير مسلسل سلسال الدم وليه ؟

المسلسلات اللى تابعتها وعجبتنى “كلبش2” و “أيوب” و “رحيم” لأنهم كان ليهم انتاج قوي وقصه مميزة وحاجه مشرفه ونسبة مشاهدتهم عاليه، مع متابعتى لمسلسلى سلسال الدم ومتابعه نهاية العمل رغم معرفتي لها.

رأيك فى الفنان مصطفى شعبان والفنان دياب ونجاح مسلسل أيوب؟

نجاح مسلسل أيوب لأن القصة مميزة وناتج عن نجاح مصطفى شعبان ودياب أضاف للعمل وكان ليه اكتر من مسلسل ويعتبر مفاجأة السنه دي.

مين الشخص اللي إيناس عز الدين بترجعله فى غختيار السيناريوهات اللى بتتعرض عليكي؟

إيناس عز الدين بترجع لإيناس عز الدين فى إختيار المسلسلات لانها مش حابه تكرر نفسها، بعض المخرجين لما بيلاقوا فنان نجح فى دور بترشحوه لنفس الدور وده بيكون خطأ وده بيخليني ادور على الأدوار اللى تطلع من جوايا أكتر وسيناريو يستفذني وجديد.

كلمه لزوووم نيوز؟

ألف مبروووك رجوعك ومتفائلة جدا لعام 2018 ليكى انتم موقع مميز ويحترم الفنانين ويهتم بالتفاصيل وبيتابع الأحداث ، بتمنالكم التوفيق وديما متألقين واخبارك الصادقة معانا علطول وكل سنه وانتم بألف خير.

عن Karim Ahmed

شاهد أيضاً

بالأسماء الفائزون بـ جوائز “الميما ميوزيك”

أحمدعبدالنبي ننشر لكم أسماء الفائزون بجوائز “الميما ميوزيك” لـ عام 2017  في عالم الغناء والتى …

اترك تعليقاً