الرئيسية / أخبار فنية / “انجي شرف””حارة اليهود” شىء خرافى ونفسي اتصور سيلفي مع”السيسي”

“انجي شرف””حارة اليهود” شىء خرافى ونفسي اتصور سيلفي مع”السيسي”

فى حوار خاص لزوووم نيوز  مع الفنانة “انجي شرف” بـاتيلية “yanaju ” صرحت لنا بان مسلسل “حارة اليهود”عمل خرافي” وبرامج المقالب تمتعها وتتمني فى صورة سيلفي مع “السيسي” والكثير من تفاصيل اعمالها القادمة .

وكان هذا نص الحوار مع الفنانة المتألقة “انجي شرف”

فى البداية بنرحب بيكي وعايزينك تكلمينا  عن الاعمال المشاركة فيها فى رمضان 2015  ؟

اهلا بزوووم نيوز وسعيدة بعمل لقاء معاكم ،وانا داخلة سباق رمضان السنة دى بمسلسل خرافى هو “حارة اليهود ” من بطولة “منة شلبى ” واحمد فهمي ” واياد نصار والفنان الكبير “جميل راتب “وهالة صدقى والفنانة العظيمة “شويكار”

وايه هو دورك فى المسلسل ؟

بقوم بدور “تريز”وهى بنت للعائلة المسيحية الوحيدة فى حارة اليهود ،وشخصيتى بنت شقية وبعمل العديد من  المشاكل .

بعيد عن حارة اليهود  شايف  افضل مسلسل هيتعرض  فى رمضان  ايه  ؟

بصراحة  لسه  مبنش  الافضل  من  الاسوؤ  لان تريلر المسلسلات  مش  دايماً بتظهر  الافضل  من  الاسوء،بص شايفة  ان  مسلسل العهد من اكتر  المسلسلات  اللى الواحد  يحب  يتابعها .

ايه رئيك فى برامج المقالب ؟

بستمتع  جدا برامز جلال بصفة  خاصة بجد  من  البرامج  اللى بموت  فيها من الضحك.

ايه  رئيك فى حال الدراما فى الفترة الاخيرة ؟

انا شايفة ان  مستوى الاعمال  فى ارتفاع  ملحوظ  وباذن الله  هنرجع  نتصدر للفن بصفه عامة على مستوى الشرق الاوسط.

ايه رئيك فى الوفد الفني والاعلامي  المصاحب للرئيس” السيسي” فى المانيا ؟

انا شايفة ان شىء جميل جدا ان يكون  لينا  رموز بنفتخر بيها وسط العالم ، بس انا نفسي كنت اكون معاهم  عشان اتصور سيلفى مع الرئيس .

بنشكرك  على القاء الممتع ده  وبنتمنالك النجاح دائما فى اعمال .

بشكرك وبشكر زوووم نيوز وكل سنة وانتم والامة الاسلامية  باكملها طيبين.

حوار / اسلام جودة

تصوير / عمرو الشربيني

 

_DSC4329

_DSC4330

 

 

 

 

عن admin

شاهد أيضاً

بالصور| جمهور مكتبة الإسكندرية يتناغم مع نسمة عبد العزيز بمهرجان الصيف

كتبت – ايناس سعد تصوير – كريم أحمد أقامت الفنانة نسمة عبد العزيز حفلا موسيقى …