الرئيسية / المطبخ / الدجاج المشوى بالكارى والبابريكا

الدجاج المشوى بالكارى والبابريكا

كتبت نورهان غريب

المقادير:
كيلو اوراك دجاج مغسولة ومنزوعة الجلد
ملعقة كبيرة بابريكا “هتلاقيها عند العطار”
ملعقة كبيرة توابل هندي “هتلاقيها عند العطار”
ثمرة فلفل أخضر مقطّعة قطع صغيرة
بصلة كبيرة مقطّعة قطع صغيرة
2 ملعقة كبيرة عصير ليمون
قطعة صغيرة زنجبيل طازة
ملعقة صغيرة كزبرة ناعمة
ملعقة صغيرة كمون ناعم
¼ ملعقة صغيرة كركم
½ ملعقة صغيرة كاري
5 فصوص ثوم مفرومين
ملعقة صغيرة شطة
ملح وفلفل أسود
كوب زبادي

طريقة التحضير:
1- جهّزي تتبيلة الدجاج ؛ بإنك تضربي كل المقادير الموجودة عندك ما عدا الدجاج في الخلاط.

2- هاتي اوراك الدجاج ، واعملي بها شقوق باستخدام السكينة وده علشان الدجاج تتشرّب التتبيلة كويس.

3- وزّعي التتبيلة اللي عندك على الدجاج ، وبعد كده دخّلي الدجاج بالتتبيلة اللي عليها في الثلاجة لمدة يوم كامل، بس خدي بالك إنك تقلّبيها أكتر من مرة؛ وده علشان تتأكّدي إن الدجاج كلها شربت من التتبيلة.

4- رصّي اوراك الدجاج في صينية ودخّليها فرن على درجة حرارة متوسّطة، وسيبيها لمدة ساعة ونص أو لغاية ما تلاقيها استوت وبقى لونها دهبي، حطّيها في أطباق التقديم..

عن nourhan gharib

شاهد أيضاً

معلومة مهمة عن تجميد اللحوم والدواجن..وأسهل طريقة لشويها..

متابعة/زينب حسن اللحوم والدواجن المجمدة يتم إخراجها من الفريزر قبل عملية الطهى بنحو 12 ساعة ووضعها فى …